യോസേഫിന്റെ ജീവിതത്തിൽ നിന്നുമുള്ള പാഠങ്ങൾ - 4

✨ പ്രോത്സാഹന ചിന്തകൾ** 😁

°•°•°•°•°•°•°•°•°•°•°•°•°•°•°•°••°•°•

★ യോസേഫിന്റെ ജീവിതത്തിൽ നിന്നുമുള്ള പാഠങ്ങൾ - 4

ഉത്തരവാദിത്വ ബോധമുള്ള രൂബേൻ

ഉൽപ്പത്തി 37: 20-30

_20 ഒരു ദുഷ്ട മൃഗം അവനെ തിന്നുകളഞ്ഞു എന്നു പറയാം, അവന്റെ സ്വപ്നങ്ങൾ എന്താകുമെന്ന് നമുക്ക് കാണാമല്ലോ എന്നു തമ്മിൽ തമ്മിൽ പറഞ്ഞു.

21 രൂബേൻ അതു കേട്ടിട്ട് :"നാം അവനു ജീവഹാനി വരുത്തരുത് " എന്നു പറഞ്ഞ് അവനെ അവരുടെ കയ്യിൽ നിന്നും വിടുവിച്ചു.

22 അവരുടെ കൈയിൽനിന്നു അവനെ വിടുവിച്ച് അപ്പന്റെ അടുക്കൽ കൊണ്ടുപോകണമെന്നു കരുതി കൊണ്ടു രൂബേൻ അവരോട്: രക്തം ചൊരിയരുത്, നിങ്ങൾ അവന്റെ മേൽ കൈ വെക്കാതെ മരുഭൂമിയിലുള്ള ആ കുഴിയിൽ അവനെ ഇടുവിൽ എന്നു പറഞ്ഞു .

.....

25 അവർ ഭക്ഷണം കഴിക്കുവാൻ ഇരുന്നപ്പോൾ...

28 മിദ്യാന്യ കച്ചവടക്കാർ കടന്നുപോകുമ്പോൾ അവർ യോസേഫിനെ കുഴിയിൽ നിന്നും വലിച്ചു കയറ്റി യിശ്മായേല്യർക്കു ഇരുപതു വെള്ളിക്കാശിനു വിറ്റു.അവർ യോസേഫിനെ മിസ്രയീമിലേക്ക് കൊണ്ടുപോയി .

29 രൂബേൻ തിരികെ കുഴിയുടെ അടുക്കൽ ചെന്നപ്പോൾ യോസേഫ് കുഴിയിൽ ഇല്ല എന്നു കണ്ടു തന്റെ വസ്ത്രം കീറി,

30 സഹോദരന്മാരുടെ അടുക്കൽ വന്നു: ബാലനെ കാണുന്നില്ലല്ലോ, ഞാൻ ഇനി എവിടെ പോകേണ്ടു എന്നു പറഞ്ഞു._

കുടുംബത്തിൽ ഉത്തരവാദിത്വങ്ങളുടെ ഭാരം യഥാർത്ഥമായി അറിഞ്ഞവനാണ് രൂബേൻ . അസൂയ മൂത്ത്, യോസേഫിനെ കൊല്ലുവാൻ സഹോദരന്മാർ ശ്രമിച്ചപ്പോൾ, രൂബേൻ അവിടെ ഇടപെട്ടു . പിന്നീട് രക്ഷിക്കാം എന്നുള്ള ഉദ്ദേശ്യത്തിൽ യോസേഫിനെ ഒരു കുഴിയിൽ ഇട്ടു കളയുവാൻ നിർദ്ദേശം കൊടുത്തു . ഈ പ്രവർത്തിയിലൂടെ പ്രകടമാകുന്നത് രൂബേന്റെ ഉത്തരവാദിത്വബോധവും സഹോദരനെ സംരക്ഷിക്കുന്നതിനുള്ള ആഗ്രഹവുമാണ് . പ്രതികൂലമായ പര്യവസ്ഥയിൽ ആയിരുന്നിട്ട് കൂടി സത്യത്തിനു വേണ്ടി നിലകൊള്ളുവാനുള്ള രൂബേന്റെ ശ്രമവും നേതൃപാടവവും നമുക്ക് മാതൃകയാക്കുവാൻ കഴിയുന്ന ഗുണങ്ങളാണ് .

തങ്ങളുടെ ക്രൂര കൃത്യത്തിന് ശേഷം യോസേഫിന്റെ സഹോദരന്മാർ ഭക്ഷണം കഴിക്കുമ്പോൾ അവിടെ രൂബേന്റെ സാന്നിധ്യം കാണുന്നില്ല. ഒരു കുറ്റബോധവും ഇല്ലാതെ മറ്റു സഹോദരന്മാർ അവിടെ ഭക്ഷണം കഴിക്കുമ്പോഴും രൂബേന്റെ അസാന്നിധ്യം സൂചിപ്പിക്കുന്നത് അവൻ അനുഭവിച്ച അസ്വസ്ഥതയും സഹോദരന്മാരുടെ പ്രവർത്തിയോടുള്ള വിയോജിപ്പും ആണ് . അൽപ്പനേരത്തേക്കെങ്കിലും തെറ്റായ സ്വാധീനങ്ങളിൽ നിന്നും, സഹോദരന്മാരുടെ അധാർമികമായ പ്രവർത്തികളിൽ നിന്നും രൂബേൻ അകലം പാലിച്ചു എന്ന് നമുക്ക് മനസ്സിലാക്കാം. പക്ഷേ സത്യം എന്തെന്ന് രൂബേൻ പിതാവിനെ അറിയിച്ചില്ല എന്നത് ഒരു ദുഃഖ സംഗതിയാണ് . ഒരു നിർണായക ഘട്ടത്തിൽ രൂബേൻ സന്നിഹിതനാകാതിരുന്നത്, ശരിയായ തീരുമാനങ്ങൾ എടുക്കേണ്ടുന്ന സമയത്ത് കാണിക്കുന്ന അലസതകൾ മൂലം ഉണ്ടാകുന്ന പരിമിതികളെയും പരിണിത ഫലങ്ങളെയും ചൂണ്ടിക്കാണിക്കുന്നു .

രൂബേൻ പിന്നീട് തിരിച്ച് കുഴിയിൽ എത്തി യോസേഫിനെ കാണാനില്ല എന്നും, അവനെ മിദ്യാന കച്ചവടക്കാർക്ക് വിറ്റു എന്നും അറിയുമ്പോൾ ദുഃഖത്താൽ തന്റെ വസ്ത്രം കീറുന്നു.. വേദപുസ്തകത്തിൽ വസ്ത്രം കീറുക എന്ന പ്രവർത്തി സൂചിപ്പിക്കുന്നത് അതികഠിനമായ വേദനയെയും ഖേദത്തെയുമാണ് . തന്റെ സഹോദരനെ രക്ഷപ്പെടുത്തുവാനുള്ള തന്റെ ശ്രമം വിഫലമായതിന്റെ നഷ്ടബോധവും നിസ്സഹായവസ്ഥയും രൂബേൻ അനുഭവിക്കുന്നതായി നാം കാണുന്നു.

ഒരു സംക്ഷിപ്ത വീക്ഷണം:**

¶ നാം ഉത്തരവാദിത്വബോധമുള്ളവരും, സത്യത്തിനു വേണ്ടി നിലകൊള്ളുന്നവരും, നമ്മുടെ ചുമതലയിൽ കീഴിലുള്ളവരെ സംരക്ഷിക്കുന്നവരും ആയിരിക്കണം.

¶ കൂട്ടിനാരുംഇല്ല എന്ന് വരികിലും തെറ്റായ കൂട്ടുകെട്ടുകൾക്കോ അധാർമിക പ്രവർത്തികൾക്കോ തുണ നിൽക്കരുത് .

📖 ഈ ദിനത്തെ വേദഭാഗം 📖

സങ്കീർത്തനങ്ങൾ 34: 14**

ദോഷം വിട്ടകന്നു ഗുണം ചെയ്യുക; സമാധാനം അന്വേഷിച്ചു പിന്തുടരുക.

🙏🙏🙏🙏🙏🙏🙏

Writer ::: Sis Shincy Jonathan

Translation:::Sis Acsah Nelson

Mission sagacity Volunteer