Voice Of Sathgamaya* യുടെ *"ചിന്തകൾ യഥാർഥ്യങ്ങൾ"* നമ്പർ 1️⃣⭕5️⃣8️⃣ / 1️⃣⭕ / 2️⃣1️⃣

💔💔💔💔💔💔💔💔💔💔💔💔

*"ഹൃദയം നുറുങ്ങിയവർക്കു യഹോവ സമീപസ്ഥൻ; മനസ്സു തകർന്നവരെ അവൻ രക്ഷിക്കുന്നു."* എന്ന സങ്കീർത്തനങ്ങൾ 34 ന്റെ 18 നമുക്ക് ഏവർക്കും പരിചയമുള്ള വാക്യം ആണെങ്കിലും ഇത് അനുഭവിച്ചറിഞ്ഞവർ ഒരുപക്ഷെ തീരെ കുറവായിരിക്കുമെന്നാണ് എനിക്ക് അറിയാൻ കഴിഞ്ഞിട്ടുള്ളത്.

*Voice Of Sathgamaya* യുടെ *"ചിന്തകൾ യഥാർഥ്യങ്ങൾ"* നമ്പർ 1️⃣⭕5️⃣8️⃣ / 1️⃣⭕ / 2️⃣1️⃣ ലേക്ക് *ഏവർക്കും സ്വാഗതം 🙏🙏🙏*

🫀💔🫀💔🫀💔🫀💔🫀💔🫀💔

*ഇന്ന് 2021 ഒക്ടോബർ 02 ശനിയാഴ്ച ‼️*

*ഹൃദയം നുറുങ്ങിയവർക്കാണ് യഹോവ സമീപസ്ഥൻ* എപ്പോഴാണ് ഹൃദയം നുറുങ്ങുക?. ആരുടെയെല്ലാം ഹൃദയങ്ങളാണ് നുറങ്ങാൻ സാദ്ധ്യത എന്നൊക്കെ നാം ഒന്ന് പരിശോധിച്ചാൽ...

യിരേമ്യാപ്രവാചകന്റെ പുസ്തകത്തിലെ അദ്ധ്യായം 23 ന്റെ 9 വായിക്കുമ്പോൾ "പ്രവാചകന്മാരെക്കുറിച്ചുള്ള അരുളപ്പാടു" എന്ന് പറഞ്ഞിട്ട് *"എന്റെ ഹൃദയം എന്റെ ഉള്ളിൽ നുറുങ്ങിയിരിക്കുന്നു;"*

മാത്രമല്ല *"എന്റെ അസ്ഥികൾ ഒക്കെയും ഇളകുന്നു;"*

അതിന്റെ കാരണമെന്താണെന്ന് താഴെ വിവരിക്കുന്നു *"യഹോവ നിമിത്തവും അവന്റെ വിശുദ്ധവചനങ്ങൾ നിമിത്തവും ഞാൻ, മത്തനായിരിക്കുന്നവനെപ്പോലെയും വീഞ്ഞു കുടിച്ചു ലഹരിപിടിച്ചവനെപ്പോലെയും ആയിരിക്കുന്നു."* ഒരു പുതിയനിയമ ക്രിസ്തുഭക്തൻ *കർത്താവ് വീണ്ടും വരും എന്ന് പ്രവചിക്കുന്ന പ്രവാചകനാണെങ്കിൽ* നമ്മുടെ ഹൃദയവും പ്രവാചന്മാരുടെ ഹൃദയം നുറുങ്ങിയതുപോലെ *നുറുങ്ങും, നുറുങ്ങണം ‼️*

*എന്നാൽ പലപ്പോഴും നമ്മുടെ ഹൃദയം നുറുങ്ങന്നത് നമ്മുടെ ജോലി നഷ്ടപ്പെടുമ്പോഴോ, വരുമാനം കുറയുമ്പോഴോ, സ്നേഹിതർ വിട്ടുപോകുമ്പോഴോ, ഉദ്ദേശിച്ച നിലയിൽ മക്കളുടെ വിവാഹം നടക്കാതെ വരുമ്പോഴോ ഒക്കെയാണ്.*

ഒരു ഭക്തകവി ഒരിക്കൽ പാടി _*"അന്ധനായി തീർന്നാൽ ഞാൻ നിന്നെക്കാണുമെങ്കിൽ അന്ധനാക്കി തീർക്കണമേ നാഥാ, അന്ധനാക്കി തീർക്കണമേ"*_ എന്ന്. നമ്മിൽ എത്രപേർക്ക് ഇങ്ങനെ പാടാൻ കഴിയും, എഴുതാൻ കഴിയും, പറയാൻ കഴിയും ⁉️.

അതുപോലെ

*"യാക്കേയുടെ മകനായ ആഗൂരിന്റെ വചനങ്ങൾ നമ്മൾ സദൃശ്യവാക്യങ്ങളിൽ വായിക്കുന്നുണ്ടല്ലോ⁉️.* സദൃശ്യവാക്യങ്ങൾ 30 ന്റെ 1 ൽ അദ്ദേഹം പറയുന്നത് ഒന്ന് ശ്രദ്ധിക്കാമോ ⁉️. *"ദൈവമേ, ഞാൻ അദ്ധ്വാനിച്ചു, ദൈവമേ, ഞാൻ അദ്ധ്വാനിച്ചു ക്ഷയിച്ചിരിക്കുന്നു."* ഞാൻ ഒത്തിരി അദ്ധ്വാനിച്ചു ക്ഷയിച്ചിരിക്കുന്നു.

*Voice Of Sathgamay* യുടെ ഈ സന്ദേശം വായിക്കുന്ന നിങ്ങൾ ബൈബിൾ വിശ്വാസിയാണെങ്കിൽ.... സങ്കീർത്തനങ്ങളിൽ *127* ശലോമോൻ എഴുതിയതാണ്. അതിന്റെ ഒന്നാം വാക്യം _*"യഹോവ വീടു പണിയാതിരുന്നാൽ പണിയുന്നവർ വൃഥാ അദ്ധ്വാനിക്കുന്നു; യഹോവ പട്ടണം കാക്കാതിരുന്നാൽ കാവൽക്കാരൻ വൃഥാ ജാഗരിക്കുന്നു."*_ എന്നാണ്. പലപ്പോഴും നമ്മൾ ഇത് മനസ്സിലാക്കുന്നില്ല. നമ്മുടെ ആയുസ്സ്, ആരോഗ്യം, പദവി എന്നുവേണ്ട എല്ലാം എല്ലാം യഹോവ തരുന്നില്ല എങ്കിൽ ഇല്ല.

127 ന്റെ 2 ൽ _*"നിങ്ങൾ അതികാലത്തു എഴുന്നേല്ക്കുന്നതും നന്നാ താമസിച്ചു കിടപ്പാൻ പോകുന്നതും കഠിനപ്രയത്നം ചെയ്തു ഉപജീവിക്കുന്നതും വ്യർത്ഥമത്രേ; തന്റെ പ്രിയന്നോ, അവൻ അതു ഉറക്കത്തിൽ കൊടുക്കുന്നു."*_ എത്ര വാസ്തവമാണ്. ഇത് വിശ്വസിക്കാതെ കുറുക്കുവഴിയിലൂടെ പൈസ ഉണ്ടാക്കാൻ *ദ്രവ്യാഗ്രഹം* കാണിക്കുന്ന ഏതൊരു വിശ്വാസിയും താഴെപ്പറയുന്ന വാക്യങ്ങൾ കൂടെ ശ്രദ്ധിക്കുവാൻ താല്പര്യപ്പെടുന്നു ‼️.

സദൃശ്യവാക്യങ്ങൾ 30 ന്റെ 7 ൽ *"രണ്ടു കാര്യം ഞാൻ നിന്നോടു അപേക്ഷിക്കുന്നു; ജീവപര്യന്തം അവ എനിക്കു നിഷേധിക്കരുതേ;"* എന്താണ് യാക്കേയുടെ മകനായ ആഗൂരിന്റെ ആഗ്രഹം എന്ന് വാക്യം 30 ന്റെ 8, 9 വാക്യങ്ങളിൽ വ്യക്തമാക്കുന്നുണ്ട്.

(1) *"വ്യാജവും ഭോഷ്കും എന്നോടു അകറ്റേണമേ; ദാരിദ്ര്യവും സമ്പത്തും എനിക്കു തരാതെ നിത്യവൃത്തി തന്നു എന്നെ പോഷിപ്പിക്കേണമേ."*

(2) *"ഞാൻ തൃപ്തനായിത്തീർന്നിട്ടു: യഹോവ ആർ എന്നു നിന്നെ നിഷേധിപ്പാനും ദരിദ്രനായിത്തീർന്നിട്ടു മോഷ്ടിച്ചു എന്റെ ദൈവത്തിന്റെ നാമത്തെ തീണ്ടിപ്പാനും സംഗതി വരരുതേ."*

🙏🙏🙏🙏🙏🙏🙏🙏🙏🙏🙏🙏

*എന്നും നമ്മുടെ പ്രാർത്ഥനകൾ ഇത് തന്നെ ആയിരിക്കട്ടെ. ഈ ചിന്ത ഉള്ളവരുടെ ഹൃദയം സമ്പത്തിനെക്കുറിച്ചല്ല നുറുങ്ങുക. പകരം നശിച്ചുപോകുന്ന ആത്മാക്കളെക്കുറിച്ചായിരിക്കും ‼️*

വീണ്ടും നമുക്ക് നമ്മിലേക്ക്‌ തിരിയാം... എനിക്ക് ഉപജീവനത്തിന്നായിട്ടുള്ളത് കർത്താവ് കരുതുമെങ്കിൽ എന്റെ പണം ഉണ്ടാക്കാനുള്ള കൊതി, ഉള്ളത് പോരാ, പോരാ എന്ന ആഗ്രഹം *ദ്രവ്യാഗ്രഹം* അല്ലെ ⁉️.

*"ദ്രവ്യാഗ്രഹം സകലവിധ ദോഷത്തിന്നും മൂലമല്ലോ. ഇതു ചിലർ കാംക്ഷിച്ചിട്ടു വിശ്വാസം വിട്ടുഴന്നു ബഹുദുഃഖങ്ങൾക്കു അധീനരായിത്തീർന്നിരിക്കുന്നു."*

(1 തിമൊഥെയൊസ് 6:10) അനേകർ വീണ ഈ കുഴിയിൽ നമ്മൾ ആരും വീഴാതിരിക്കാൻ ഈ ചിന്ത നമ്മെ സഹായിക്കട്ടെ എന്ന ആത്മാർത്ഥ പ്രാർത്ഥനയോടെ *കർത്താവിന്റെ വേലയിൽ നിങ്ങളുടെ കൂട്ടുസഹോദരൻ ഷിബു കൊടുങ്ങല്ലൂർ. 9605581081*