Encouraging Thoughts ( Tamil)

★ *புத்தாண்டுக்கான புத்தம் புதிய ஆடை!*

ஏதாவது ஒரு புதியதின் யோசனை யாருக்கு தான் பிடிக்காது? புதிய ஆடை, புதிய தொடக்கம், அல்லது சுத்தமான துவக்கம்—இவை நம் வாழ்க்கையில் மகிழ்ச்சி மற்றும் நம்பிக்கையை கொண்டு வருகின்றன. நாம் புதியவற்றைக் விரும்புவதுபோல, நம் ஆத்துமாவும் ஆழமாக புது மாற்றத்தை ஏங்குகிறது, உள்ளிருந்து வெளியே ஒரு மாற்றத்தை. இந்தப் பெரிய பரிசு நமக்கு இயேசு கிறிஸ்துவின் மூலம் இலவசமாக வழங்கப்படுகிறது என்பது நற்செய்தி.

ஒவ்வொரு மனிதரும் பாவத்தின் பழைய, சீரழிந்த துணிகளை அணிந்து பிறக்கிறார்கள், அவை மறுப்பு மற்றும் கீழ்ப்படியாமையால்  மாசுபட்டிருக்கின்றன. நம்முடைய நல்ல செயல்கள், வெற்றிகள், அல்லது கவனத்தை திசைதிருப்பி அவற்றை மறைக்க முயற்சித்தாலும், அவை தேவனிடமிருந்து நம் பிரிவின் நினைவுகளைத் தொடர்ந்து காட்டுகின்றன.

ஆனால் தேவன், தனது அன்பிலும் இரக்கத்திலும், இந்த பழைய துணிகளை அழகானதாக மாற்ற ஒரு வழியை உருவாக்கினார். சிலுவையில் தன் மரணத்தின் மூலம், இயேசு நம் பாவங்களுக்கான தண்டனையைத் தாங்கினார், நம் பழைய துணிகளை தன் மேல் ஏற்றுக்கொண்டார். அவர் மீண்டும் உயிர்த்தெழுந்து, நாம் ஒருபோதும் பெற முடியாத ஒரு பரிசை வழங்குகிறார்—ஒரு புதிய இரட்சிப்பின் மற்றும் நீதியின் வஸ்திரத்தை.

அவரை இருதயத்தில் விசுவாசித்து, இயேசுவை ஆண்டவராக நாவினால் அறிக்கை செய்தால் (ரோமர் 10:9), நம்மை மாற்றுகிறார். பழையதை நீக்கி, கிறிஸ்துவின் பரிபூரணத்தால் நம்மை உடுத்துவிக்கிறார். ஏசாயா 61:10 இந்த மகிழ்ச்சியை துல்லியமாக வெளிப்படுத்துகிறது: “கர்த்தருக்குள் பூரிப்பாய் மகிழுகிறேன்; என் தேவனுக்குள் என் ஆத்துமா களிகூர்ந்திருக்கிறது; மணவாளன் ஆபரணங்களினால் தன்னை அலங்கரித்துக்கொள்ளுகிறதற்கும், மணவாட்டி நகைகளினால் தன்னைச் சிங்காரித்துக்கொள்ளுகிறதற்கும் ஒப்பாக, அவர் இரட்சிப்பின் வஸ்திரங்களை எனக்கு உடுத்தி, நீதியின் சால்வையை எனக்குத் தரித்தார்..”

இனி நாம் வெட்கத்திற்கோ பயத்திற்கோ கட்டுப்பட்டவர்கள் அல்ல. நாம் கிறிஸ்துவில் புதிய படைப்பாக இருக்கிறோம் (2 கொரிந்தியர் 5:17), களங்கமற்றவர்களாகவும், தேவனுடைய பிள்ளைகளாக வாழ ஆயத்தமாகவும் ஆக்கப்பட்டோம். இது ஒரு புதிய ஆடை அல்ல; இது நம் அடையாளத்தின் முழுமையான புதுப்பித்தல்!

*எடுத்து செல்ல:*

¶ இயேசு கிறிஸ்து ஒவ்வொருவருக்கும் தங்கள் பழைய கந்தல்களை விட்டுவிட்டு, அவரில் ஒரு புகழ்பெற்ற புதிய வாழ்க்கையைத் தழுவுவதற்கான வாய்ப்பை வழங்குகிறார். இது நாம் வாங்கக்கூடிய அல்லது சம்பாதிக்கக்கூடிய ஒன்றல்ல - இது ஒரு பரிசு, இலவசமாக வழங்கப்படுகிறது, நீங்கள் செய்ய வேண்டியதெல்லாம் அதை ஏற்றுக்கொள்வதுதான்.

¶ பழையதை விட்டுவிட்டு புதியதை அணியுங்கள் - இரட்சிப்பு மற்றும் நீதி என்னும் இலவச பரிசு. அவர் உங்களுக்காகத் தயாரித்திருக்கும் புதிய வாழ்க்கையில் அடியெடுத்து வையுங்கள்.

*📖 இன்றைய வசனம்📖*

*2 கொரிந்தியர் 5:17*

_இப்படியிருக்க, ஒருவன் கிறிஸ்துவுக்குள்ளிருந்தால் புதுசிருஷ்டியாயிருக்கிறான்; பழையவைகள் ஒழிந்து போயின, எல்லாம் புதிதாயின._

*ஏசாயா 61: 10*

_கர்த்தருக்குள் பூரிப்பாய் மகிழுகிறேன்; என் தேவனுக்குள் என் ஆத்துமா களிகூர்ந்திருக்கிறது; மணவாளன் ஆபரணங்களினால் தன்னை அலங்கரித்துக்கொள்ளுகிறதற்கும், மணவாட்டி நகைகளினால் தன்னைச் சிங்காரித்துக்கொள்ளுகிறதற்கும் ஒப்பாக, அவர் இரட்சிப்பின் வஸ்திரங்களை எனக்கு உடுத்தி, நீதியின் சால்வையை எனக்குத் தரித்தார்_

இனிய புத்தாண்டு நல்வாழ்த்துக்கள்!!

🙏🙏🙏🙏🙏🙏🙏

✍️ ✍️ ✍️ ✍️ Sis Shincy Jonathan Australia 🇦🇺

Translation- Sis Tephila Mathew

Mission sagacity Volunteers